JVC Victor 木制headphone/ Banksy/ 清明上河圖／ 恭喜哂

第一個要分享的gadget 是阿媽送俾阿爸既新玩具，佢見阿爸個headphone 用到咁殘竟主動話送個新既俾佢。行左深水埗半日，唔係價錢太貴就係阿爸唔鍾意，最後竟然俾阿爸食左鋪海底撈魚：

Victor/ JVC HP-FX500，後為阿爸既lucky netbook eeepc 701，救左佢一命

到而家阿爸煲左對嘢太概一百個鐘，唔用海錦耳塞用番對中碼sillicon，本小狗試過，底音強得黎唔會辛苦，真係有振動感，聽R&B很好（最近阿爸成日聽2NE1既 Sick(SLOW), 但肥妹唱得越黎越好）；不過我覺得最正係個包圍感，做得好好，聽 Classic 勁正；雖然係木制，但一D都唔重（可能我對耳仔夠大啦）！唔夠高階耳機，呢對嘢雖然係2009年既產物，中階黎講已夠料拎90分。

圖書館果然係一個好地方，我個人覺得香港人交咁多稅，最值回票價的就是圖書館，最唔值就係果班公務員；阿爸向我推薦呢本書：

呢個街頭畫家既作品已經去到天價了；睇完就知咩叫做原創力量，同埋好多人既所謂創作係由邊度“啟發” 出黎。

相信大部香港人都去左睇清河上河圖了，以下為阿爸拍番黎俾我睇既片，十蚊是絕對值得一睇的，一個小時係絕對夠時間慢慢睇的：

http://www.youtube.com/watch?v=PNs7KFSINAc

無票既朋友，本小狗建議大家除買黄牛飛之外，可以去tradeduck.com.hk 用以物易物既方式試下，橫掂香港人買到成屋都係玩具，拎出黎換D有價值既嘢，又有意義又環保。但講真，無得入場睇的朋友都唔絕對唔需要覺得可惜，信我。

期待12月3日再入去睇Gorillaz! 平安夜再睇Walking with Dinosaurs.

以下係一推恭喜：

恭喜超哥個仔一百日！

恭喜慧慧姐結婚了！

恭喜阿國同柴玲生日！


恭喜頌賢叔成為Android 機主。