故事講陳真原來俾人賣左豬仔去法國，經過第一次世界大戰後深明戰爭之禍害，決定返中國做救國英雄打日本仔，就係咁。
鏡頭一轉，陳真已經返左上海，䇄立於某個大廈天台傲視天下，但佢竟然.......
去左夜總會見黄秋生做partner? 憑咩呀？憑佢賭啤輸到訓係度？好，我當你陳真好多人尊敬，所以夜闆會老闆秋生哥認得你。話時話，陳真係乜水？我呢D零零後只識葉問同李小龍，真係唔知陳真係邊位喎，故事可以交代清楚一點嗎？
陳真其後只一天到晚係夜總會瘟女，仲要瘟條每次見面都飲到醉死既舞女，舒淇；而呢個舞女既真正身份竟然係日本人混係黎夜總會既日奸，但行動目標不明，睇到呢度本小狗已經有D唔耐煩了。
之後一個半鍾只見到陳真同條日奸日飲夜飲同擺型pose，中間不斷加插大量日軍殺中國人既片段，好多血呀，國內演員有大量練習演被殺既機會了；呢個時侯陳真竟突然被日本人捉左佢打。。。咩事呀？原來本小狗已經訓著左了，所以中途斷左片，不過陳真D肌肉真係練得好靚囉。
突然日奸俾大佐殺死左，你殺左陳真既真愛，佢終於忍唔住出手喇，好嘢！打喇！點解打得咁短，D招式似曾相識，但又無殺破狼打得咁勁，果句“中國人唔係東西病夫”真係叫得好Q求其！就係咁，日本人俾佢打左幾嘢就死Q左喇。
致某不知所謂既導演：
如果你想拍一套中國版Batman, 唔該你唔好抄Batman Begins, 請參考Batman Returns，或者睇下李修賢果套中國超人; 仲有，雖然我地知道當年日本人係害到中國人好慘，但我地黎睇戲係想得到娛樂，並唔係想睇不斷死人，唔需要太嘩罛取寵；最慘係陳真係邊個你都無交代清楚，我地想睇陳真係虹口道場打日本仔，並唔係佢變左上海Batman 呀！你有無做過調查或者同你老版溝通好呀？仲有，丹爺係惡，但並唔係佢話乜你要跟乜。你咁樣不如去打份工啦，人地叫你做乜你做好佢咪可以收工囉，拍咩戲啫。
我只係一個平凡的小狗，睇一套唔悶既戲已經好滿足了，希望你下次再努力D，唔好浪費我地呢D小市民既時間，人生無幾多個十年！
不過你既攝影真係好好，不如你專注做番攝影AR？
不幸地，引用新浪網站資料：
事實上，早在影片公映之前，劉偉強和陳嘉上就對媒體表示，只要觀衆喜歡，就會拍續集。據片方透露，《精武風雲·陳真》的續集已經開始籌備，續集有兩種發展方向。一種是繼續刻畫陳真的黑俠形象，讓這個角色更豐滿，力爭完美打造“中國第一位超級英雄”。一種是拍攝前傳，講述陳真在《精武門》之後、去歐洲戰場之前所遭遇的事情。
http://dailynews.sina.com/bg/ent/film/sinacn/file/20100924/08191858330.html
另，由維基百科看到有關陳真的資料：
陳真是作家倪匡創作的虛構的人物[1]，始見於1972年，由李小龍飾演的嘉禾電影《精武門》，這角色設定為中國清末武術家霍元甲的弟子，在為被日本人害死的師傅報仇之後，被日本人殺死。這個角色後來一再被拍成電影、電視劇。事實上霍元甲沒有叫「陳真」的徒弟，其事蹟以霍元甲的徒弟劉振聲為原型[2]，1982年2月，香港麗的電視播映《陳真》電視劇，劇中陳真由梁小龍飾演，劇情描寫陳真報了殺師之仇後被通緝，陳真自此與霍元甲之子霍東閣隱姓埋名，最終陳真與日本人佐藤同歸於盡，這部香港電視劇在當時中國大陸亦相當受歡迎。[3]1994年，在李連杰飾演陳真的電影《精武英雄》中，陳真去了東北抗日，而劉振聲則出家，陳真後來去了擔任杜惠林保鏢，再成為東北軍的武術教練。
http://zh.wikipedia.org/zh-tw/陳真
繼3D童眼後又一套垃圾作品，無力支持港片了。
沒有留言:
發佈留言