2010年我最喜歡的電影，加Blu-Ray 入手度

至2010年12月中


我最喜愛的電影


第一位：哈利波特7 Harry Potter and the Deathly Hallows: Part 1


本身已經無力再追看小說。第一次睇電影第6集時訓左兩個鐘，第二次睇發覺個故事出奇地有劇力，引人入性；第7集part 1已全無悶場，有好多位仲估佢唔到（壯烈犧性）；娛樂性滿分；熱烈期待part 2。 


Blu-Ray 入手度：5／10 （等全集Boxset)

第二位：反斗奇兵3 Toy Story 3


有大量笑位喊位靚畫面靚音效有正面教育意義，幾乎要俾100分。係最憎佢無啦啦加個3D要俾多幾廿蚊但又唔係做得靚，明屈錢果下真係好衰。睇Blu-Ray更無敵。

Blu-Ray 入手度：9／10 （頭兩集而家睇番，畫質是極低的，所以唔駛入Boxset。)

第三位： 阿凡達 Avatar

雖然套戲2009年尾上，雖然劇情交行貨，但故事的流暢度加上滿分的美術及音效令娛樂性爆燈。其3D技術到今年為止仍然是最高水準的。完全將我帶入另一個世界。更值得一睇是其制作特輯，唔睇的話你係唔會想像到原來套戲係咁拍。

Blu-Ray 入手度：9／10 （是試AV系統的最高指標，但係呢套戲你唔會好似Terminator 2 咁睇極都唔厭，番睇指數拉低了入手度 )

第四位：潛行兇間 Inception

劇情鋪排完美，全場高潮無停過，造夢場口之特技更是前所未見，完全將發夢的感覺帶出來。呢D先係正確運用電腦特技嘛！

Blu-Ray 入手度：10／10 （華納制作的光碟品質一向都高水準，加上呢套極度精采的電影，絕對是可一不可再的珍藏。)

第五位：社交網絡 The Social Network

大導演拍出來真係好睇到無嘢講，將一個唔算好傳奇但又幾有趣既人物傳記拍得一環接一環。係戲院睇既時侯千祈唔好去廁所，因為睇少幾分鐘的話，你會Miss 左好多好精彩既嘢。

Blu-Ray 入手度：0／10 （無乜靚畫面喎，DVD夠哂）

 

衷心希望創戰紀 Tron Legacy是另一套值得成為我最喜歡的電影啦。

本小狗完全只以該電戲既可觀看性去評分，完全主觀，不喜勿插，但絕對歡迎討論。